Lankidetza, Web 2.0 eta hezkuntza

Gaurko klasean egindako prezia lankidetza, web 2.0 eta hezkuntzari buruzkoa. Hona hemen link-a, prezia ikusteko:
http://prezi.com/wjeqjqvwblb8/?utm_campaign=share&utm_medium=copy&rc=ex0share

Puzzle Teknika

Puzzle teknikaren bizipena. Nire taldeko hausnarketatxoa uzten dizuet, zuek ere hausnarketa hori egiteko:
 http://oihanamacazaga.blogspot.com.es/2015/09/puzzle-teknikaren-bizipena.html

Teknografia

Hona hemen nire teknografia, "Ze prestakuntza teknologikoa behar duen Lehen Hezkuntzako irakasle batek" galderari erantzuten diona. Aldi berean,hausnarketa bat egitera gonbidatzen dizuet teknograma ikusi ondoren. Eskerrik asko! TEKNOGRAFIA on PhotoPeach

Konpetentzia digitala: irakurgaien talde hausnarketa

Hona hemen gure talde hausnarketa:

Gaurko klasean kopetentzia digitalei buruzko aurkezpenak entzun ondoren, ohartu gara IKTek funtzio garrantzitsu bat jokatzen dutela gaur egungo hezkuntzan. Izan ere, gizartearen eraldaketak direla eta, irakasleak zein ikasleak teknologia berriei egokitu behar dira esparru desberdinetan. Horretarako, irakasleei formakuntza saioak eta eskolei baliabideak (ordenagailuak, internet, proiektorea, etb...) eskeini behar zaizkie. Horren harira, Eusko Jaurlaritzako hezkuntza, unibertsitate eta ikerketa sailak eskola 2.0. programak garatu zituen, horrekin batera konpetentzia digitaleko dimentsioak 3 taldeetan banatuz, hau da, trebetasun teknologikoa, ikaskuntza-jakintza eta herritartasun digitala.


Gure ustez, hezkuntza gizartearen islada denez IKTak ezinbestekotzat bilakatu dira baina horretarako eskolaren ardura da aukera-berdintasuna bermatzea.

Konpentzia digitala

Konpetentzia digital

Ikus-entzunezko konpetentzia

●     Filmen garrantzia

●     Sexismoa jokoetan

●     Produktuen publizitatea

Konpetentzia teknologikoa

●     Tresnen erabilera

IKT tresnak

●     Gaur egungo arriskuak

●     Tresnak

Hiritar digitala

●     Haurrei irakatsi

Konpetentzia informazionala

●     Bilatu

●     Gorde

●     Eraldatu

●     Partekatu

●     Adibideak

Konpetentzia digitalari buruzko bideoa ikusi eta gero taldean bildu gara eta konpetentzia desberdinei buruz hausnartu dugu.

Gaur egun, ikus entzunezko konpetentzia ikasgelan geroz eta gehiago garatzen da, izan ere, tresnen erabilera ugaritzen den heinean, ikasgaiak ikus entzunaren bidez landu daitezke. Adibidez, informazioa dokumental zein filmen bitartez beregana dezakegu. Hala ere, ikus-entzunezko konpetentzian sexismoa azpimarratzekoa da, joko zein filmetan mutikoak goraipatzen dira, maiz salbatzaile moduan agerraraziz. Gainera, joko baten izena “gameboy” da, beraz izeneraino ere sexismoa agertzen da. Mutikoentzat soilik al dira jokoak?

Tresnen erabilera ikasgelan ez ezik etxean ere irakatsitako zerbait izan beharko litzateke, haurrek eskuratzen dituzten konpetentzia teknologikoak egokiak izan daitezen. Konpetentzia teknologikoa, izan ere, IKT-ak diren tresna guztien erabileran datza, telebista piztetik webgune bateko orrialde bat sortzeraino. Horregatik iruditzen zaigu horren garrantzitsua konpetentzia teknologiaren inguruko heziketa arduratsua izatea.

IKT tresnak geroz eta ohikoagoak dira ikasgelan, ikastetxe guztietan dago ordenagailu gela bat eta beste zenbaitetan ordenagailuak dituzte liburuak beharrean. Horrez gain, arbela elektronikoak ere sartzen ari dituzte eskoletan. Aurrerakuntza hauekin errazagoa da informazioa bilatzea, bideoak ikustea, zenbait lan egitea etab. eta haurrei askotan erakargarriagoa egiten zaie ordenagailuarekin jardutea.

Honek guztiak, ordea, badu bere alde txarra ere eta arriskutsua izan daiteke. Arriskuei buruz informatu behar ditugu ikasleak. Zer eragin eduki ditzaketen internetera igotzen ditugun edukiek, adibidez.

Hiritar digitala konpetentziari dagokionez, hurrengoa hausnartu dugu; gaur egun oso garrantzitsua da ikasleei teknologia munduari buruzko informazioa ematea, arriskuak azaltzea, babestea eta erabilpen egokia bermatzen ikastea. Horretarako irakasleek ikasleei hiritar digitalak izaten irakatsi behar diegu. Horretarako, pentsatu dugu eskolan hainbat klase ematea konpetentzia hau barneratzeko; klase horietan gai desberdinak landu daitezke, baina batez ere etorkizunera begira hiritar digital egokiak izateko ezaugarriak azaltzea da helburua.

Konpetentzia informazionala, informazioa bilatu, gorde, eraldatu eta partekatzean datza. Adibidez, eskola batean burutzen den proiektu bat partekatu ondoren, beste eskola batek informazio hori erabil dezake. Gaur egun, informazioa beste era askotara erabil daiteke, eta bereziki partekatzea.

Ze prestakuntza teknologikoa behar du Lehen Hezkuntzako Irakasle batek?

Ze prestakuntza teknologikoa behar du Lehen Hezkuntzako Irakasle batek?

• 1. Ofimaticako aplikazioak erabiltzen jakitea (word, power point, excel…)
• Informazioa bilatu, gorde, eraldatu eta partekatzeko gaitasuna.
• Tresna teknologikoak:

• Proiektorea
• Arbela elektronikoa
• Fotokopiagailua
• Ordenagailua
• Kaseta
• Eskanerra
• Inprimagailua
• Argazki eta bideo kamera

• 2. Eskola kudeaketarako programak erabiltzeko gai izan.
• Elkarrekintza eta komunikazio programak erabiltzen jakin (sare sozialak, posta elektronikoa, bideo konferentzia programak…).
• Hezkuntza programak:

• Youtube
• Bloga
• Denbora lerroak sortzeko programak
• Wikipedia
• Mapa kontzeptualak egiteko aplikazioak
• Fitxategiak partekatzeko programak (drive…)
• Google maps

• 3. Interneteko arriskuak detektatzeko eta konpontzeko ahalmena (birusak, hackerrak, datuen babesa, ciber bullyinga, pedofilia…).

Nire ustez oso garrantzitsua da gaur egun irakasleek prestakuntza teknologikoa izatea; izan ere, beharrezkoa da hezkuntza metodo berriak erabiltzeko. Irakasleek aplikazio ofimatikoak erabiltzen jakitea beharrezkoa dute ikasleei erakusteko eta klaseko lanak errazagoak izateko.
Bestalde, tresna teknologikoak erabiltzea ere garrantzitsua iruditzen zait klaseak interesgarriagoak izateko. Honen bidez ikasleek teknologia tresna berrien funtzionamendua eta erabilera ikusiko dute. Hezkuntza programak ere erabiltzea interesgarria iruditzen zait, baina Lehen Hezkuntzako irakasleek prestakuntza behar dute teknologia berriak erabiltzeko.
Beraz, Lehen Hezkuntzako irakasleek prestakuntza teknologikoa behar dute; prestakuntza hori klaseen bidez eman daitezke, hau da, irakasle bat gaian espezializatuta beste irakasleei klaseak ematea eta teknologia berrien erabilera erakustea. Honetaz aparte, interneteko arriskuak detektztzeko eta konpontzeko ere prestakuntza bat jaso behar dute Lehen Hezkuntzako irakasleek. Lehen Hezkuntzako ikasleek babesa behar dute internet munduan eta horretarako irakasleek hainbat arau finkatu behar dizkiete ikasleei arriskua ez egoteko eta hainbat gai ekiditeko.